نعيم حلاوي

نعيم حلاوي عالقٌ بسبب اعتصام أصحاب الشاحنات.. ويعلق!

علّق الممثل الكوميدي نعيم حلاوي بتدوينة فيسبوكية على الظروف التي يعايشها المواطن اللبناني في ظل الاعتصامات وقطع الطرقات وأخرها اعتصام أصحاب الشاحنات، ودوّن حلاوي على صفحته فيسبوك:
الإنسان “مخيَّر” أجلّكم لدرجة انو متل اليوم مثلاً بيكون هالإنسان “مقرر” يكون بشغلو بوقت معيّن وإذ بيلاقي حالو فجأةً علقان هو وسيارتو ب نص الأوتوستراد والسير واقف كليّاً ومُحاط ببحر من السيارات من كل الإتجاهات وكل هالشي لأن أصحاب الكميونات “قرروا” انو يعَورضوا كميوناتن الملوّنة ب نص الأوتوستراد ويسكّروه من الوريد للوريد
فيا أصحاب قصة انو الإنسان “مخيّر” ساعدوا صاحبنا لو كنتوا محلو شو كنتوا اخترتوا؟

-انو تطرقوا غطة بالسيارة؟
-تكتبوا ستاتس بهالحجم؟
-تتشمسوا ع سقفا؟
-تتمشوا حواليها؟
-تقفلوها وتتركوها بأرضا وتروحوا مَشي؟
-تطلبوا هليكوبتر تسحبكُن؟

تفضلوا “اختاروا” بأيا طريقة ممكن تكونوا بالشغل بالتوقيت اللي لازم تكونوا فيه.. ما انتوا “مخيّرين” لأ؟ ..أنا بقول رح تختاروا انو “تنطروا” لما “أصحاب الكميونات” هني اللي “يختاروا” عنكن أيا ساعة “بيقرروا” يفتحوا الطريق
انشالله تتحقق مطالبهم المحقة بأقرب وقت تا ما بقى يقرروا عنا مسار حياتنا ومصير توقيتنا
وتوصلوا بالسلامة

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بالصور- كيف أصبحت “الآنسة وردة” اليوم؟

هل تذكرون وردة من مسلسل “جميل وهناء”؟ إنّها الممثلة “رباب كنعان” الغائبة عن الساحة الفنية ...

نافذة العرب بالشكل الجديد!

نعتذر من جميع الزوار الكرام عن توقف نشر الأخبار بشكل مفاجئ ولكننا نقوم بتحديث الموقع للشكل الجديد.. إنتظرونا!