ديباجة هيثم بيضاوي

ديباجة.. المغتربين

حلقة ديباجة اليوم عن “المغتربين” يتحدث فيها “هيثم بيضاوي” عن الهجرة والمغتربين وكيف أن كل لبناني هاجر من البلد لن يعود إليه بسبب المسؤولين وطمعهم وجشعهم.

ديباجه.. الفراق صعب.. ومن الفراق في أنواع.. في الموت الي هو أصعب أنواع الفراق الي هو مزعج ومؤلم. في فراق حبيبين أو زوجين كمان موضوع مزعج، بس الفراق الحقيقي الي عم نعيشه كل يوم هو فراق “الهجرة”.

شو يعني لما بكون خيك من لحمك ودمك هو نصفك الأخر وانت بأمّس الحاجة لالو، مهاجر، شو يعني لما بتكون أختك بأمّس الحاجة لإلك وانت سندها بهل الحياة “مهاجره”، شو يعني لما بكون خالك وعمك وخالتك وأهلك وقريبانك وجيرانك وأصحابك وأحبابك كلن مهاجر.

شو يعني لما بيجي إبنك لعندك يا بابا اذا انت ما بدك تهاجر، عمره 15 – 16 سنة أنا بعد سنتين حهاجر يا بابا، شو يعني لما بيجي رفيق عمرك صاحبك عايش انت واياه بوطنك بتتكل عليه وبيتكل عليك، بتتفاجئ بقلك أنا بدي هاجر هيدا خيك التاني بوطنك.

كله بسبب شو، بسبب المسؤولين وزعمائنا، بسبب الكراسي، بسبب الطمع والجشع، الي ما عم يفارقن وولادن بهاجروا بس هجرتن خمس نجوم بيتروق بباريس بيتغدى بايطاليا وبيرجع بنام بحضن أمه، هيدي هجرته.

المهم.. بدي قلكن.. لكل المغتربين، الهوا بلبنان بصبح عليكن وبيروت بتمسي عليكن منعونا نحلم إنكن ترجعوا نعيش سوا ونكمل حياتنا مع بعضنا، ومنتكل على بعضنا ونموت حد بعضنا، ممنوع حتى نحلم بهل الموضوع إنو نكون مع أهم ناس بحياتنا.

أنا بدي طلب صغير من كل مغترب بكل العالم، ما تنسونا تذكرونا بلكي بلكي بيرجع لبنان معكن بشي مشوار.. ويعطيكن العافية.

[vid id=”1408922799167943″ source=”facebook”]

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

ديباجة هيثم بيضاوي

ديباجة.. مين معو 100$ ليومين

حلقة جديدة من “ديباجة” من إعداد وتقديم “هيثم بيضاوي” يتحدث فيها عن أوضاع لبنان الإقتصادية ...

نافذة العرب بالشكل الجديد!

نعتذر من جميع الزوار الكرام عن توقف نشر الأخبار بشكل مفاجئ ولكننا نقوم بتحديث الموقع للشكل الجديد.. إنتظرونا!